2017 թուականի Փետրուար 21-ին՝ լեզուի տօնին առիթով, նախաձեռնութեամբwww.yerakouyn.comարեւմտահայերէն կայքի հիմնադիրներուն եւ աջակցութեամբ ՀՀ Սփիւռքի նախարարութեան, տեղի ունեցաւ արեւմտահայերէն մանկապատանեկան համապարփակ առաջին կայքի (armlands.com)Հայկաշխարհի շնորհանդէսը։Կայքը հանրութեան հասանելի դարձաւ Սեպտեմբեր 21-ին, այդ մասին յայտնեց Հանրային հեռուստատեսութիւնը։Ստեղծման օրէն Հայկաշխարհը դարձաւ Սփիւռքի բազմաթիւ երեխաներու սիրելի կայքը, ուսուցիչներու համար տեղեկատուական պատրաստ աղբիւր, ստեղծագործ պատանիներուն համար արարելու խթան եւ դպրոցներու գործունէութեան մասին տեղեկացնող հարթակ։Կամաւոր աշխատանքով կեանքի կոչուած այս ծրագիրը պիտի շարունակէ իր երթը՝ առաւել տարածուելու, իր գիտելիքներու շտեմարանը առաւել հարստացնելու եւ կայքը առաւել գրաւիչ դարձնելու վճռակամութեամբ՝ յոյս ունենալով, որ կը գտնուին աջակիցներ, որոնք կը կարեւորեն մեր տարած աշխատանքը եւ իրենց ներդրումը կ’ունենան այս ծրագիրը առաւել զարգացնելու գործին մէջ։