Հրաշագործ Նռանէ 2…. «Տուն մնա’ եւ ստեղծագործէ’»

Ամիսներ առաջ ՀԱՅԿԱՇԽԱՐՀ-ի նախաձեռնութեամբ հրապարակուեցաւ 12 տարեկան գրող (այժմ 13 տարեկան) Ժասմին Հայրապետեանի «Հրաշագործ Նռանէ» վիպակի արեւմտահայերէն տարբերակը եւ սփռուեցաւ աշխարհով մէկ։ 2019-ի Դեկտեմբերին, ՀԱՅԿԱՇԽԱՐՀ-ը Ժասմինի հետ միասին, հիւրն էր ՀՀ Նախագահի Տիկին Նունէ Սարգսեանին, որուն հետ զրոյցն ու ցուցումները մղեցին, որ պատանի գրողը ոգեւորուի եւ խոստանայ գրել վիպակի երկրորդ մասը։ Այսօր «Տուն մնալով» Ժասմինը կը կատարէ իր տուած խոստումը եւ սկսած է գրել Հրաշագործ Նռանէ 2» գիրքը։

Թող բոլորիդ տուն մնալը այսքան արդիւնաւէտ ըլլայ, իւրաքանչիւրը իր ոլորտին մէջ եւ իր նախասիրութիւններով։