08
Jun
Արցախի Դպրոցներուն Մէջ Պիտի Դասաւանդուի «Ազգային Երգ ու Պար» Նիւթը
Արցախի կրթութեան, գիտութեան եւ մարմնամարզութեան նախարարութիւն համաձայնութիւն տուած է «Ազգային երգ ու պար» նիւթի ուսուցումը դպրոցական ծրագիրին մէջ ներառելու:
Արցախի մշակոյթի եւ երիտասարդութեան հարցերու նախարար Նարինէ Աղաբալեան նշած է, որ այս տարուան Սեպտեմբերէն Արցախի կարգ մը դպրոցներու մէջ պիտի դասաւանդուի «Ազգային երգ ու պար» նիւթը:
«Ամառուան ընթացքին ուսուցիչները պիտի վերապատրաստուին, որպէսզի դասի ժամանակ կարենան աշակերտներուն լիարժէք մատուցել դասը»,- ըսած է Ն. Աղաբլեան եւ ընդգծած, որ ծրագրի նպատակն է մատաղ սերունդին ազգային արժէքներով դաստիարակելը ու արմատներուն մօտ պահելը:
Արցախի Կրթութեան եւ գիռութեան նախարար Սլաւայ Ասրեան նշած է, որ նոր նիւթը փորձնական պիտի դասաւանդուի դպրոցներու 5-7-րդ դասարաններու աշակերտներուն: